Մաքսիմ Գորկի.«Արարատ» գինու տրեստի մառանից դուրս գալուց հետո. «Ավելի հեշտ է Արարատ լեռը բարձրանալ, քան «Արարատի» մառանից դուրս գալ»։
Ծանոթագրություն՝
Մառան, տնտեսական օժանդակ կառույց-մթերանոց ժողովրդական տան համալիրի մեջ, ուր պահվում են ուտելիք և ըմպելիք։ Մառանը լի է լինում հատկապես ձմռանը. կարասների, կճուճների, ակերի, տկճորների մեջ պահվում են կաթնամթերք, թթուներ, խմիչք, չոր և թարմ մրգեր, կախան, պահածո մսեղեն ու անուշեղեն, մեղր և այլն։ Ճարտարապետական առումով մառանը լեռնային նախալեռնային գոտում կազմել է տան համակառույցի անբաժան մասը, իսկ հովտային շրջաններում եղել է նույն համալիրին կից առանձին շինություն՝ հնձանի հետ համատեղ (հնձան-մառան)։ Հին և միջնադարյան Հայաստանում արքունական, իշխանական և վանքապատկան համակառույցների կազմում մառանը եղել է ոգելից խմիչքների տևական պահեստավորման բաժանմունք և ունեցել տնօրեն՝ մառանապետ։ Հետագայում, կապված ոգելից խմիչքների արդյունաբերական արտադրության հետ, մառանը դարձել է նաև գինու, կոնյակի պահեստավորման և հնացման համար նախատեսված կառույց՝ համապատասխան արտադրամասերին առընթեր։ Մառանը գեղջկական միջավայրում ձմռանը հաճախ ծառայել է նաև որպես նորապսակների ժամանակավոր կացարան՝ «մեղրամսի» ընթացքում։
- գետնափոր տեղ` նկուղ զանազան կարգի մթերքներ պահելու համար
- մասնավորապես գինի պահելու նկուղ
Կրթական փոխանակումների նախագծով հաճախ լինում ենք տարբեր գյուղերում և քաղաքներում, որտեղ ժողովրդական տան բաղադրիչ է Մառանը: Ծանոթացում, վերարժովորում Ժողովրդական տանը, Մառանի մշակույթին: Կրթական փոխանակումներին մասնակից դպրոցների հետ համատեղ ստեղծել, ձևավորել Սեբաստացիական Ուսումնական մառանը:
Համատեղ արտադրությամբ ուսուցմամբ լցնել, համալրել Ուսումնական Մառանը:
Ուսումնական ճամփորդություն կազմակերպելիս նախագծում որպես կարգ, պարտադիր բաղադրիչ համարել Ուսումնական մառանի համալրումը/դեղաբույսերով, մթերքով/:
Նախագծում՝
- Ի՞նչ է մառանը
- Մառանի կառուցվածքը, դիրքը, ինտերիերը
- Մառանապետ
- Մառանը հայկական կենցաղում այսօր. Գյուղերում, քաղաքներում
- Պահոց թե խորանոց
- Մառանի ջերմաստիճանը, լուսավորությունը
- Մառանը տարվա տարբեր եղանակներին
- Մառանում պահվող մթերքները, գինին և կոնյակը
- Մառանում պահցող մթերքների պահպանման մասին տեղեկատվական անձնագրերի ստեղծում
- Մառան-համտեսարան
Ընթացում՝ ուսումնական նյութեր, հետազոտական ընթացիկ պատումներ, ֆոտոշարեր, ֆիլմեր, հոդվածներ:
Արդյունքներ՝
Ուսումնական մառան+Ընդհատակ համտեսարան
Ուսումնական մառան․ Պատրաստում ենք չիր
Ուսումնական մառան․ Պատրաստում ենք դոշաբ
Уведомление: Ուսումնական հունվար. աշխատակարգ — Անժելա Բլեյան