«Ներսս 3» կամ «Կորցրած բառերիս գերեզմանում»

 

Հունիսի 26. ժամը՝ 11:00

Մոնոներկայացում՝ «Ներսս 3» կամ «Կորցրած բառերիս գերեզմանում» Նոր Գեղարվեստ՝ Հատակում

Խաղը՝ Դիանա Տատինցյանի

Տեքստը՝ Դիանա Տատինցյանի

Բեմականացումը՝  Քնարիկ Ներսիսյանի

Երաժշտությունը՝ Björk — UnravelKeaton Henson- La Naissance

Մտահաղացումը՝ Աշոտ Բլեյանի

 

 

Ներսս 3» կամ «Կորցրած բառերիս գերեզմանում» 

19225687_1269789199814406_2460791938342631999_n

Գործողություն 1. «Հատակում» հարթակ

Թողեք ինձ հանգիստ: Ես ուզում եմ շնչել, ազատվել կոկորդս պատռող ցավից ու սլանալ վեր, առաջ, կողք՝ մի խոսքով բոլոր հնարավոր ուղղություններով, բացի հետ գնալուց: Ինձ խեղդում է անտարբերությունը: Ընթերցողս կմտածի, թե իմ հանդեպ են անտարբեր, դա իր հերթին, բայց… ես հոգնել եմ զգայուն լինելուց ու զգացմունքներս պահելուց:

Читать далее

Ռեյ Բրեդբերի. «Խատուտիկի գինի»

wine

Ամառային ընթերցանություն. Ռեյ Բրեդբերի «Խատուտիկի գինի» համով, արևոտ, բարի….

Գրքի մասին. Ռեյ Բրեդբերիի բարի վիպակը գրված է 20-րդ դարի ամենամեծ երազողի ոգով, սակայն տարբերվում է նրա մյուս ստեղծագործություններից հեղինակի անձնական ապրումների արտացոլումով: Նա մանկության տարիներին ապրել է ԱՄՆ Իլինոյս նահանգի Ուոկիգան քաղաքում: Նույն նահանգում, սակայն արդեն հորինված Գրինթաունում, Բրեդբերին բնակեցնում է իր հերոսներին: Գործողությունը ծավալվում է 1928 թ., երբ Սփոլդինգ եղբայրները` 12-ամյա Դուգլասն ու 10-ամյա Թոմը, արձակուրդներին սկսում են աշխարհը բացահայտել, որտեղ այնքան հետաքրքիր բաներ կան, և ամեն ինչ որևէ նշանակություն ունի: Իսկ նրանց պապիկը գինի է քամում խատուտիկներից, որի յուրաքանչյուր շշում ամռան մասնիկը կա:

Հետաքրքիր փաստեր. Ի սկզբանե Բրեդբերին գրել էր ավելի ծավալուն և բարդ տարբերակ, սակայն, իր խմբագիր Ուոլթեր Բրեդբերիի հորդորով մի քանի մասի է բաժանում իր ստեղծագործությունը:

«Խատուտուկի գինու» շարունակությունը կոչվում է «Ցտեսություն, ամառ», որը լույս է տեսել 2006-ին և «Արհավիրք է մոտենում» վեպի հետ միասին դարձել է մանկական հուշերի եռապատում:

Վիպակի սկզբնական տարբերակում չընդգրկված փոքր պատմվածքները հրատարակվեցին «Խատուտուկի գինուց» մեկ տարի անց` 1958-ին, «Ամառային առավոտ, ամառային գիշեր» ժողովածուի կազմում:

Հետգրություն. Բրեդբերիի թեթև վիպակը ուղղակի ստեղծված է ամռանը կարդալու համար: Արևահամ ու խատուտիկի բույրով այս գիրքը ջերմ հիշողություններ կարթնացնի մանկության մասին, կստիպի այլ կերպ նայել սովորական դարձած շատ բաների, կարթնացնի ոտաբոբիկ խոտերում քայլելու ցանկությունը և կհիշեցնի` ինչպես է, երբ ապրում են անհոգ, միայն ներկայով, որսալով կյանքի պահերը: Բրեդբերիի բոլոր ստեղծագործություններին հատուկ մոգության մասնկիը «Խատուտիկի գինի» վիպակում առավել գործուն է, քանի որ չի տանում ընթերցողին իրականության շրջանակներից դուրս և միևնույն ժամանակ` կտրում է իրականությունից:

Գիրքը՝ այստե՛ղ

 

Մանկավարժության բաց ճամբար

165155

Մանկավարժության բաց ճամբարի առաջին օրը ՝ հունիսի 19-ին քննարկեցինք «Բլոգային ուսուցումը, առավելությունները և խնդիրները», իսկ երկրորդ օրը՝ «Նախագծային ուսուցումը և առաջացած խնդիրները»: Քննարկմանը մասնակցող խումբը ներառում էր տարբեր մասանախմբերի դասավանդողների:

Читать далее

Մանկավարժության հունիսյան բաց ճամբար

Հունիսի 19-21

Աշխատակարգ
9։00 – 9։30 – ընդհանուր պարապմունք
9։40 – 10։40 –բլոգային ուսուցում. ձեռքբերում, խնդիրներ
հունիսի 19. բլոգային ուսուցում. ձեռքբերում, խնդիրներ
հունիսի 20. նախագծային ուսուցում. ձեռքբերում, խնդիրներ
հունիսի 21. ամառային ուսումնական նախագծեր-լրացուցիչ կրթություն
10։50– 11։50 – մանկավարժության ընդհանուր պարապմունքներ
12։00 – 12։30 – ընդմիջում Մայր դպրոցում, Արևելյան դպրոցում, Հյուսիսային դպրոցում
12։30-13։00 Հանդիպում՝ Նոր Գեղարվեստի «Իմը» ջոկատի հետ
13։00 – 14։30 – աշխատանք մասնագիտական խմբերով, ըստ մասնագիտական խմբերի ղեկավարների ներկայացրած նախագծերի
14։30 – 15։30 – մարզական, պարային նախագծեր

Քննարկումներ

  • Բլոգային ուսուցման խնդիրները Կրտսեր, Միջին և Ավագ դպրոցներում՝ ձեռքբերումներ, առաջացած խնդիրներ: Ուսումնասիրություններ ըստ Միջին և Ավագ դպրոցների դասարանների
  • Նախագծային ուսուցում. ձեռքբերում, խնդիրներ
  •  Ամառային ուսումնական նախագծեր-լրացուցիչ կրթություն
  • Հունիսի 22-23- ճամփորդություն